蘇施黃化療後事隔1個月再拍片 教抗癌患者一個免費方法養好身體

67歲的蘇施黃（阿蘇）去年10月在YouTube頻道「教煮蘇 This is So good」自爆患上大腸癌三期，她積極面對病情並接受手術，但手術後仍要接受四次化療。阿蘇不時分享她接受治療的心路歷程，希望可以鼓勵到同路人。今年2月她完成最後一次化療治療，以及在家中慶祝最後一次口服化療藥，再一次抗癌成功。不過事後她的YouTube近一個月沒有更新，昨晚她推新片分享並解釋「失蹤」原因。

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

蘇施黃完成最後一次化療打牌慶祝 向Haters笑稱：係呀我仲未死【下一頁】

{{hket:inline-image name="so.jpg"}}{{/hket:inline-image}}

見蘇施黃精神不錯，並在戶外拍片，她表示：「做緊化療療程期間，個人比較亢奮，用力去打呢個仗，反而當時都會拍吓片，之後就發現咁大個病之後，最重要係休養。我諗係做完化療同口服化療後一個月後，慢慢食中藥調理身體，問題逐漸出嚟，因為化療隻手腫起好大嚿，血管好硬，中藥食一個多星期慢慢好啲，上星期再去check指數，非常好！」

她表示明白好多朋友都不幸患癌要抗病，又教大家一個處理身體的好方法，她說：「大病復元最好一個方法，唔使錢、唔使郁、唔使出外，就係瞓覺！我好想同大家分享，我好番之後點解唔拍片呢？因為我百分之八至九十時間用來瞓覺，平時朝早6點幾就醒，病好之後一樣6點幾就醒，聽完早禱錄音之後，平時聽完就會起身行來行去，而家就反而留喺張床度，唔係睇，而係合埋雙眼聽YouTube，唔好理瞓唔瞓著，總知唔畀自己起身，慢慢碌吓碌吓就會瞓著。」她表示朝早9至10點食完早餐，在家中輕鬆散步後就會再回到房間睡覺，「唔好胡思亂想，有咩工作或者煩事都棄權棄權，養番好個身體。其實我好短時期已經重番5-6磅，面色大家都話好，開頭嚇到金小姐不得了，我可以迷癡癡，食完晏2點幾去瞓，瞓到夜晚9點幾，煮好晒飯叫我起身先食飯，對我來講，感覺似瞓極都唔醒咁，不分日夜，完全唔知幾點，呢個情況維持個幾月。」她表示現時很少出街，大多數時間都躺床或者梳化。

蘇施黃首次化療後狂嘔兼確診 仍不及當年類風濕關節炎痛苦【下一頁】

她認為病癒後身體需要多休息，不應該心野或者讓繁重的工作、想法騷擾，「唔好忘記，大病之後最重要係處理身體，冇健康你乜都做唔到！得閒就瞓，瞓到覺得精神好先算，我唔知要幾耐，因為我而家仲係咁樣方法瞓緊，3個幾月之後而家好啲，晏晝唔一定要瞓。」她表示而家約朋友打麻雀，大多數都會約足「5隻腳」或「6隻腳」，當她精神時就可以打，太累就換人休息，休息比服食補品還重要。

蘇施黃指抗癌後手和腳都出現水腫情況，幸好中藥有助解決，而化療醫生指情況約一年後會有所改善。蘇施黃偶然亦有打乒乓波，放慢生活多做有益身心的活動，希望多過幾個端午節、多幾個生日，「有命先有得處理生意，所以一定要瞓覺，努力！」

內容來源：https://www.youtube.com/watch?v=7ygwNEowrq4
圖片：蘇施黃YouTube截圖

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組